lfn

Lingua franca nova (cortida a lfn, cual es comun speleda elefen) es un lingua aidante internasional creada par Dr C. George Boeree e perfetida par multe suportores de la lingua. La vocabulo de elefen es fundida en franses, italian, portuges, espaniol e catalan. La gramatica es multe reduida e simil a la creoles romanica. La lingua es fonetical speleda, con 22 leteras de la alfabeta latina o la alfabeta cirilica.

La prinsipes gidante:

Istoria e comunia

George Boeree ia comensa labora a lfn en 1965, con la gol de crea un lingua simple. El ia es inspirada par leje sur lingua franca, un pijin usada en la mar Mediteranean en sentenios pasada.

Spele e pronunsia

Alfabeta

A su es la alfabeta de elefen en sua forma latina e cirilica, e con sua formas major en AFI:

Latina a b c d e f g h i j l m n o p r s t u v x z
Cirilica а б к д е ф г х и ж л м н о п р с т у в ш з
Afi [a] [b] [k] [d] [e] [f] [ɡ] [h] [i] [ʒ] [l] [m] [n] [o] [p] [r] [s] [t] [u] [v] [ʃ] [z]
Nomes a be ce de e ef ge hax i je el em en o pe er es te u ve ex ze

Vocales

Vocales es pronunsiada como en espaniol. Car efelen ave sola sinco vocales, varias en pronunsia no causa multe problemes.

vocal anterior vocal posterior
vocal cluida i u
vocal media e o
vocal abrida a

diftongos es ai [ai], au [au], eu [eu], e oi [oi]

Consonantes

La plu de la consonantes es pronunsiada como en engles, franses, deutx, espaniol, etc, con alga esetas: url("/w/skins/Vector/resources/skins.vector.styles/images/bullet-icon.svg?d4515");>
  • c e g es sempre "dur" - [k] e [g],
  • j es pronunsiada como en franses - [ʒ],
  • x es pronunsiada como engles sh o franses ch - [ʃ].

    		•  bilabial labio-
    dental    		 alveolal pos-
    alveolal    		 palatal velal glotal
    esplodente p b   t d     k ɡ  
    fricante   f v s z ʃ ʒ     h
    nasal m   n     ŋ1  
    vibrante     r        
    prosiminte w2   l   j3    
    1 La letera n ante c e g es pronunsiada [ŋ]; -ng a la fini de un parola es ance pronunsiada [ŋ].
    2 La letera u es pronunsiada [w] entre du vocales e a la comensa de un parola ante un otra vocal; cu e gu ante un vocal es pronunsiada [kw] e [gw].
    3 La letera i es pronunsiada [j] entre du vocales e a la comensa de un parole ante un otra vocal.

    La leteras k, q, w, e y pote es usada per nomes propre de otra linguas, e es pronunsiada [k], [k], [u, w], e [i, j], en ordina. Simil, alga leteras en la alfabeta cirilica no es usada esta nomes propre.

    Nota: La pronunsia de elefen es flexable, si on trova lo difisil. Per esemplo:

    • on pote pronunsia e como [ei] o [ɛ], e o como [ou] o [ɔ], si tu prefere;
    • on pote omete h si on trova ce lo es difisil;
    • on pote pronunsia j e x como [dʒ] e [tʃ];
    • on pote pronunsia "scrive" e "strada" (etc) como "escrive" e "estrada";
    • on pote cade la consonante prima en parolas de elinica, como "psicolojia" o "pterodatilo".

    Asentua

     no es multe importante en elefen e pote es iniorada; an tal, on ave alga sujestes asi:

    Natural, la monosilabas ave un asentua trivial:

    Si la parola fini en un consonante o un diftongo, la asentua senta sur la silaba ultima:

    En la plu de otra casos, la asentua es sur la silaba ultima min un:

    Si un parola (de plu ca du silabas) fini con ia, ie, io, ua, ue, o uo, la asentua es sur la silaba ultima min du:

    La plural con -s o -es no altera la asentua orijinal de la parola: casas

    Posible esetas inclui la pone de la asentua sur la silaba ultima en alga parolas cual fini con -u, e alga parolas peti como asi e ala.

    Gramatica

    Vista jeneral

    Lfn segue la ordina de parolas "svo" (sujeto-verbo-ojeto). Parolas, sintagmas, e proposas alterante segue jeneral lo cual los altera.

    Nomes es usual presededa par articles (la, un) e otra determinantes. Esetante la plural (-s o -es), nomes no varia. La rol de un nom en un frase es determinada par la ordina de parolas e par preposadas.

    La pronomes personal es nonvariante: me, tu, nos, vos e pronomes de person tre: el, lo, on, los. La pronomes de refleta es la mesma, estra la person tre, singular e plural, cual usa se. La determinantes de posese es: mea, tua, sua, nosa, vosa, e sua. La pronomes es la mesma, presededa par la (pd, la mea, la tua, la sua, etc)

    Verbos no varia. La tempo e la moda es indicada par paroletas presedente: ia per la pasada, va per la futur, e ta per la moda dependente (elejable!). La partisipio ativa fini con -nte e la partisipio pasiva fini con -da. Estas pote es usada per crea la aspeta continuante e la vose pasiva, en ordina. La infinitiva es la mesma como la verbo simple, o on pote usa la nom verbal par presede lo con la o otra determinante (con de ante un ojeto).

    Ajetivos no varia, e averbos no es distinguida de ajetivos. La espresas per compara es formida con plu o min, e la espresas superlativa es formida con la plu o la min.

    Gramaticas completa per lfn es disponable en engles, espaniol, franses, rusce, esperanto, e lfn, de esta menu.

    Ordina de parolas

    Frases en lfn ave un ordina restrinjeda de parolas. La ordina jeneral es:

    sintagmas, nomin de sujeto – sintagma verbal  (– sintagma nomin de ojeto)
    Joan core
    Maria oia Joan

    Un sintagma nomin ave esta ordina:

    (determinantes –) nom (– ajetivos)
    La tre omes grande...
    La multe femes peti...

    Un sintagma verbal ave esta ordinas:

    (tempo –) verbo (– averbo)
    (tempo –) verbo un – verbo du (- averbo)
    ...ia come rapida
    ...va debe come lente

    Un sintagma preposadal jeneral segue la parolas cual lo altera, e ave esta ordina:

    preposada – sintagma nomin
    ...en la cosina
    ...pos medianote

    Nomes

    La roles de nomes en un frase es indicada par preposadas e la ordina de parolas. On no ave casos gramatical.

    La plural de nomes es creada par ajunta -s a nomes cual fini con vocales, o -es a nomes cual fini con consonantes. Esta no cambia la asentua:

    La seso de nomes no es normal indicada. Si nesesada, nomes pote es segueda par mas o fema:

    Un cuantia peti de roles tradisional ave un forma fema en -esa. Per esemplo:

    Un cuantia peti de parolas per membros de un familia ave un forma mas en -o e un forma fema en -a:

    E un cuantia multe peti ave du formas diferente:

    La aposa de un nom con un otra es, per la plu parte, limitada a nomes e titulos:

    Determinantes

    Determinantes en lfn presede la nom cual los altera. On ave du articles: la e un. On no ave un forma nondefinida per nomes plural, ma on pote usa alga si desirada:

    Lfn ave du "predeterminantes", cual presede tota otras:

    Lo ave du determinantes de mostra:

    Lo ave du determinantes de demanda:

    E lo ave sinco determinantes de eleje e esclui:

    La determinantes de posese es mea, tua, nosa, vosa e sua poneda ante la nom poseseda. Sua es la determinante de posese per la person tre singular e plural.

    Lfn ave esta paroletas de cuantia:

    Numeros es ance usada per indica cuantia:

    E lo ave cuatro paroletas de similia e difere:

    La determinantes ave un ordina cuando plu ca un es usada:

    Per esemplo:

    Final, la ajetivos bon e mal pote es poneda ante la nom, ma pos tota determinantes.

    Pronomes

    Pronomes en lfn no varia:


    		 singular plural
    person 1 me nos
    person 2 tu vos
    person 3 el / lo los

    El refere a persones e animales major. On pote estende como un metafor la usa per otra animales, robotes, tempestas, la luna, etc. Lo refere a cosas, animales peti, plantas, ideas, etc. La linia entre la du parolas es multe sujetal. Per esemplo, en naras per enfantes, animales, plantas, e an cosas es a veses indicada par el. Los es usada per la plural de ambos.

    Lfn no ave distinguis de "seso" per el o los. Si nesesada, on pote usa parolas como la fem, la om, la xica, la xico, la fema o la mas. Simil, on pote usa la vea, la joven, la grande, la peti, etc, o un nom propre. Alga parlores usa elo/ela cuando los vole indica la seso, ma esta no es ofisial.

    Lfn no ave un contrasta entre formas cortes e noncortes de la person du: tu es sempre usada per la singular, e vos es sempre usada per la plural. Un eseta aveni en leteratur de edas pasada, cuando on ia dise vos a la re, e el ia dise nos cuando el refere a se mesma.

    La pronom refletante per la person tre, singular e plural, es se. On pote asentua lo (e otra pronomes) par usa se mesma:

    Pronomes de posese es la mesma como la determinantes de posese, ma presededa par la. O on pote repete la nom:

    Lfn ave un pronom nondefinida per persones, on, cual es usada como "man" en deutx o "on" en franses:

    Esta determinantes pote es usada sin sua nomes (pd en la modo de pronomes) si no confusa resulta:

    Alga otra pronomes e espresas pronomal es derivada de determinantes:

    Verbos

    Lfn no ave conjugas de verbos e la forma no varia per indica persones, pluralia, tempo, modo, aspeta, etc. La tempo e modo es indicada par parolas nomida "preverbos":


    		 preverbo
    presente -
    pasada ia
    futur va
    ipotesal ta


    La tempo presente usa la verbo simple. Lo es ance usada per indica atas e states abitual, fatos de natur, e como un "tempo istorial", usada en naras cual es clar en la pasada. Lo pote es ance usada per avenis en la pasada o futur prosima, spesial si un averbo indica la tempo:

    La tempo pasada es indicada par la paroleta ia:

    La tempo futur es indicada par la paroleta va:

    Lfn ave ance un paroleta elejable, ta, cual indica nonrealia e pote es usada do otra linguas ta usa un modo dependente o sujuntiva:

    Per indica la dependente pasada, cuando no otra indica de la pasada es evidente, on pote usa ia ta:

    Ta es ance usada en la espresa ta ce, cual espresa un desira de la parlor:

    Alga averbos, verbos presedente, e preposadas pote es usada per espresa plu esata la tempo intendeda:

    On ave ance du espresas idiomal:

    La averbo ja pote es usada per espresa lo cual en otra linguas es la aspeta completida (perfeta):

    La nega es indicada par ajunta no ante la paroleta de tempo o (en la tempo presente) la verbo. Un nega plu forte es indicada par la averbo nunca pos la verbo. Negas duple no es permeteda:

    Alga verbos nontransitiva pote es cambiada a verbos transitiva e causal par move la sujeto a la loca de la ojeto e ajunta un sujeto nova. Per esta razona, los es nomida "verbos ergativa" en lfn.

    Simil, on pote fa ce verbos transitiva deveni refletante par ajunta se, me, etc:

    Comandas es indicada par cade la sujeto:

    Verbos cual no ave sujetos clar, como verbos de clima, nesesa un "pronom pupetin", como lo o on:

    Verbos pote es cambiada a ajetivos: La partisipio ativa es formida par ajunta -nte a la verbo. Per esemplo, come deveni comente. Esta debe es nunca usada como un nom astrata, como en engles e otra linguas.

    La partisipio ativa pote segue la verbo es e es usada per espresa acel cual en otra linguas es la aspeta continuante (nonperfetida), cual asentua la idea ce la sujeto es en la media de un ata o prosede:

    La partisipio pasiva es formida par ajunta -da a la verbo. Per esemplo, come deveni comeda. Esta debe es nunca confusada con la tempo pasada, como en engles e en otra linguas.

    La partisipio pasiva pote ance segue la verbo es e es usada per espresa la vose pasiva:

    Nota ce on ave otra modos per espresa la continuante e la pasiva:

    Verbos pote es usada como nomes sin cambia par ajunta un determinante. Un ojeto pote es indicada par de, e la sujeto par par. Sin la determinante, la parola servi como un infinitiva, e un ojeto pote segue lo sin un preposada:

    En lfn, verbos vade frecuente en duples. La verbos debe ave la mesma sujeto, e verbo du es la ojeto de la verbo prima. La verbo du no ave un tempo separada, ma pote ave un ojeto. La verbo prima es tipal un verbo de disposa. Comun esemplos de verbos de disposa es:

    La verbo seguente es en sua forma la plu simple:

    Ajetivos e averbos

    Ajetivos segue la nom cual los altera, con du esetas: Bon e mal pote vade ante la nom, car los es frecuente usada. Ajetivos en lfn no acorda con sua nomes, e no ave formas diferente per seso o pluralia.

    Per comparas, on usa plu o min. Per indica la superioria e la inferioria, usa la plu e la min:

    Egalia es indicada par tan... como:

    Ajetivos pote es usada como nomes. Per esemplo, bela es un ajetivo, ma un bela es un nom, e un corti per un bela person o simil. Esta opera ance con partisipios. Per esemplo, un person ci studia es un studiante, e la cosa studiada es la studiada.

    Un ajetivo pote es cambiada a un nom astrata par ajunta -ia. Esta sufisa pote ance es usada per nomes:

    Lfn no ave un modo per marca averbos. En loca, cualce ajetivo pote es usada como un averbo par pone lo pos un verbo o a la comensa de la frase. Los pote ance es poneda pos la ojeto de la verbo o an a la fini de la frase, si no confusa resulta. Averbos cual altera ajetivos presede la ajetivo. On ave ance averbos cual no es derivada de ajetivos. Asi es esemplos de averbos comun:

    Preposadas

    Preposadas es poneda ante la nom o sintagma de nom, e la sintagma de preposada es poneda pos la nom alterada o, si la sintagma preposada es usada como un averbo, pos la verbo o a la comensa de la frase. On pote cade "la" o otra determinante pos un preposada, si la sinifia resta clar.

    On ave 22 preposadas simple en lfn:

    Alga partisipios pote ance es usada como preposadas:

    Multe preposadas pote es usada como averbos par ajunta a o de ante los. Per esemplo:

    Conjuntas

    Lfn ave alga conjuntas simple:

    Per esemplo:

    Demandas

    Lfn ave alga parolas e espresas cual es usada per introdui demandas:

    (La plu de estas es ance usada per pronomes e averbos de relata e sujuntas, discuteda a su.)

    Per esemplo:

    On pote pone la parola de demanda a la comensa de la frase, o en la loca do la responde ta es:

    Demandas pote inclui un de esta parolas, o pote es sola indicada par un tono asendente en la parola final de la frase. On pote ance espresa demandas par comensa la frase con la paroleta de demanda esce, o par ajunta si o no a la fini de la frase, pos un virgula. En scrive, los es sempre segueda par la marca de demandas (?):

    Proposas ajetivin

    On ave du pronomes de relata, cual introdui proposas ajetivin:

    La proposas ajetivin segue la nom o sintagma de nom cual los altera:

    A alga veses, la nom ante "cual" o "ci" no es indicada. En esta casos, lo es plu bon ce on introdui "lo", "el", o "los" ala:

    Pronomes de relata pote es presededa par preposadas:

    Do e cuando es ance usada per introdui proposas ajetivin:

    Proposas averbin

    Esta sujuntas introdui proposas averbin:

    Proposas averbin segue normal sua proposa xef:

    Alga averbos es ance usada como sujuntas:

    Per esemplo:

    Do e cuando pote es presededa par preposadas:

    Per esemplo:

    Proposas nomin

    Ce es usada como un sujunta per introdui un proposa nomin, cual segue plu comun pos la verbo como la ojeto de esta verbo:

    Construis alternativa permete asentuas de sinifia diferente:

    Ci e cual es ance usada per introdui proposas nomin:

    On ave ance averbos cual pote introdui proposas nomin:

    Numeros

    Numeros plu grande es construida como esta:

    Numeros cual espresa la ordina de cosas es la mesma, ma los segue la nom, per esemplo la om tre en loca de la tre omes. Per usa numeros ordinal en comparas, lfn usa construis como lo es la stela tre en brilia o lo es la stela tre la plu briliante.

    Fratos es construida con -i, per esemplo dui, tri, cuatri,... desi, senti, mili, etc. Multiples e grupos pote es indicada par usa -uple, como duple, etc.